വാഴ കൃഷി ചെയ്യുന്നവർ അറിയേണ്ട ചില ടിപ്സ്.................................................................... വാഴക്കന്ന് ചരിച്ചു നട്ടാല് മുളങ്കരുത്ത് കൂടും വിളവും മെച്ചപ്പെട്ടതായിരിക്കും.
വാഴക്കന്ന് ചൂടു വെള്ളത്തില് പത്തു മിനിറ്റ് മുക്കി വച്ചതിനു ശേഷം നടാന് ഉത്തമം.
വാഴക്കന്ന് നന്നായി ചെത്തി വൃത്തിയാക്കുക. നടാനുള്ള കുഴിയില് ഒരു കിലോ വേപ്പിന് പിണ്ണാക്കു ചേര്ക്കുക. തുടര്ന്ന് വാഴ നടാന് ഉത്തമം.
വാഴക്കന്ന് നടുമ്പോള് ആദ്യകാല വളര്ച്ചാവശ്യമായ പോഷകങ്ങള് വാഴക്കന്നില് നിന്നു തന്നെ ലഭിച്ചു കൊള്ളും.
ചുവട്ടിലേക്കു വണ്ണമുള്ള മുകളിലേക്ക് നേര്ത്ത് വാള് മുന പോലെ കൂര്ത്ത ഇലകളോടു കൂടിയ സൂചിക്കന്നുകളാണ് നടാന് ഉത്തമം.
നേത്ര വാഴക്കന്ന് ഇളക്കിയാല് 15 - 20 ദിവസത്തിനുള്ളില് നടണം.
മറ്റുള്ള വാഴക്കന്നുകള് എല്ലാം 3- 4 ദിവസത്തിനുള്ളില് നടണം.
ഏത്ത വാഴക്കന്ന് ഇളക്കിയ ശേഷം ചാണക വെള്ളത്തില് മുക്കി ഉണക്കി സൂക്ഷിച്ചാല് ഒരു മാസം വരെ ജീവനക്ഷമത നിലനിര്ത്താം.
അത്തം ഞാറ്റുവേലയാണ് ഏത്തവാഴ നടാന് ഏറ്റവും പറ്റിയത്.
വാഴക്കന്ന് നടുന്നതിനു മുമ്പ് വെള്ളത്തില് താഴ്ത്തി വച്ചിരുന്നാല് അതില് പുഴുക്കളുണ്ടെങ്കില് അവ ചത്തുകൊള്ളും.
വാഴ പുതുമഴയോടെ നടുക, നല്ല കരുത്തോടെ വളരും പുഷ്ടിയുള്ള കുലയും കിട്ടും.
വാഴവിത്ത് നടുന്ന കുഴിയില് കുറച്ച് ചാണകപ്പൊടി കൂടി ഇടുക. മണ്ടയടപ്പില് നിന്നും വാഴ രക്ഷപ്പെടും.
No comments:
Post a Comment